Ezimbi kubashayeli kunyuka intengo kaphethroli nodizili

I-CENTRAL Energy Fund (CEF) egameni loMnyango wezaMandla nokuMbiwa Phansi, iqinisekisile ukuthi intengo kaphethroli nodizili izonyuka ngoLwesithathu.

Zombili izinhlobo zikaphethroli u-93, no-95 intengo yazo izonyuka ngo-82 senti ilitha.

Intengo kadizili (50ppm) izonyuka ngo-R1.05 ilitha kuthi engu-500ppm yona inyuke ngo-R1.1 senti.

Ngenyanga edlule intengo kaphethroli inyukile. Inyuke ngemali ephakathi kuka-12 no-19 wamasenti, kwathi ekadizili yanyuka ngemali ephakathi kuka-7.5 no-10.5 wamasenti ilitha ngokwehlukana.

I-CEF ithe intengo kaphethroli, dizili nopharafini emhlabeni jikelele inyukile phakathi kukaDisemba 27, noJanuwari 30

Ithe nerandi lehlelwe ngamandla uma liqhathaniswa ne-dollar lase-USA njengoba belihweba ngo-R18.73 ekubeni ngokudlule belihweba ngo-R18.11