UCHITHWE yinkantolo wayalelwa ukuthi akhokhe izindleko uMnuz Jabulani Khumalo obezama ukubuyela njengomholi weMK Isithombe : FACEBOOK/UMKHONTO WESIZWE PARTY
UCHITHWE wayalelwa ukuthi akhokhe nezindleko zecala uMnuz Jabulani Khumalo, obefake icala efuna ukubuyiselwa njengomholi weMK.
UKhumalo ubemangalele i-IEC neMK efuna bambuyisele esikhundleni ethi wakhishwa ngendlela engekho emthethweni. INkantolo yezoKhetho ikhiphe isinqumo ngoLwesithathu ichitha uKhumalo.
UKhumalo usola owayengumengameli uJacob Zuma ngokumqhwaga iqembu aselenza elakhe. UKhumalo wuyena owabhalisa iMK kodwa kwavela ukuthi ubhalele i-IEC eyazisa ukuthi usedlulisela izintambo kuZuma.
UKhumalo enkantolo wathi incwadi okuthiwa wayibhala edlulisela amandla okuphatha iMK, yayikokotelwe. IMK yamemezela ukuthi iyamxosha uKhumalo nabanye abaholi besolwa ngokungethembeki.
UKhumalo ususwe nasohlwini lweMK ePhalamende nokuwudaba asaluphosela inselelo enkantolo. Kulindeleke ukuthi iPhalamende lifungise amalungu ngoLwesihlanu emcimbini uKhumalo abezimisele ngokuwuhambela.
Related Topics: