UMda Mda igqala lengcali yembali yaseTranskei.
Image: File
IYunivesithi yaseFort Hare iqinisekise ukuba igqala nengcali yembali kweli ubawo uMda Mda uphakathii kwabo bazakuthwa jize ngesidanga sobuGqirha yila Yunivesithi ngenyanga kaCanzibe walo nyaka.
Eli lixesha apho iiYunivesithi zithi ziqhube imisitho yothweso zidanga okuhamba nokunikwa kwabo bazibaluleyo ngokudlala indima ekuhlaleni.
KwiKomkhulu lamaXhosa eNqadu uMda Mda udlale indima enkulu ukudalanca imicimbii yembali yesasizwe sikaXhosa.
Echaza imbali ngezinto ezahlukeneyo zezizwe ezimnyama, uMda Mda uthi ndimamele. Ingxelo ekhutshwe lela ziko ithi uMda Mda uza kunikwa isidanga sobuGqirha kwezomthetho ngenxa yegalelo lakhe elibanzi.
Iqela eliza kuba linikwa izidanga zobuGqirha ngaxeshanye noMda Mda kuza kuba kukho noOmar Badsha naye ozibalule ngomsebenzi omhle entlalweni ngokukodwa kweli leMpuma Koloni.
UMda Mda ubhale incwadi engembali yaseTranskei ngonyaka ka2019 esihloko sayo sithi ‘Struggle and Hope’ apho abalisa nzulu ngembali yozimelegeqe waseTranskei.
Eli gqala lazalwa ngonyaka ka1923 kwidolophu yaseMthatha, kwaye lidlale indima engathandabuzekiyo kwintlalo ngokugcina imbali ekwayibalisa ngomlomo wakhe.
Kwincwadi yakhe ethi, 'Struggle and Hope' udalanca ibali leTranskei esuka nayo kwiminyaka yoo1800.