Konke kumi ngomumo ngomcimbi amaCrown
UMYENI womsunguli wamaSABC Crown Gospel Awards uZanele Mbokazi, uBishop Mpendulo Nkambule, uthe konke sekumi ngomumo ngomcimbi walo nyaka ozoba ngeSonto, eGallagher Estate Convention Centre.
Kuke kwabanjwa umoya ngalo mcimbi uhulumeni waseGauteng, ungayisayini inkontileka yokubanika uxhaso. UNkambule uthe akukho osekungabavimba manje ngoba sebenza amalungiselelo okugcina.
“Umsebenzi usuhlangene, sesibheke izihambeli zethu ezizoba nathi ngeSonto. Umcimbi esizokhumbula ngawo umsunguli wawo nozoqhubeka nokuba ifindo lawo uZanele njengoba unesiqubulo esithi The Legacy Continues…Still We Praise. Siyabonga kuwona wonke umuntu obambisene nathi ekutheni ube yimpumelelo kuze kube manje, sibonga abaxhasi, sibafisela inhlanhla abaculi abathumele izicelo zokuqokwa kanjalo nabaqokiwe.”
Uthe amasango alapho kuzobanjelwa khona umcimbi azovulwa ngo-4 ntambama. Amathikithi uthe asatholakala eSpar.
Uthe inkulu indima ekhathulwa yilo mcimbi emacikweni ngale nje kokuba sesiteji.
Isolezwe lithole ukuthi uhulumeni waseGauteng, ugcine ukhiphe imali engu-R3 million yokuxhasa umcimbi walo nyaka.
Ngonyaka odlule ngesikhathi beqala ukuyosebenzisana nabo bathola imali engu-R15 million.
UNkambule uthe kubaculi abazonandisa emcimbini walo nyaka kubalwa uSipho Makhabane, Salvation Army Brass Band, Xolly Mncwango, Brian Temba, Mmatema, Solly Mahlangu, Rofhiwa Manyanga, Sipho Ngwenya, Sneziey nabanye.
Abanye abaqokiwe kulo mcimbi:
Best Acapella
Legato
Fisani Masinga
Sakhiwe Group
JTG Gospel Choir
Best Clap and Tap
Lejoe la Jasper
Full Gospel Holly Choir
The New Jerusalem Gospel Choir
Temple of God Original
Best Collaboration
3C Live ft Ntokozo Mbambo
Bethusile Mncinga ft Zuko SA
Phindi-P ft Sindi Ntombela
Thinah Zungu ft NUZ VOJ & Jumbo
Best Contemporary Song
I believe by Phindi P
I am Free by 3C Live
Jesus by KingDmusic
O Sechabelo by Nunky Koma
Sindi Ntombela