Injabulo ehlabana ngendondo eTexas

ININGIZIMU Afrika isiphinde yaba sebelazweni lamazwe omhlaba kulandela ukuthi omunye wabalingisi bakuleli ehlabane ngendondo phesheya kwezilwandle.

U-Enhle Mbali Mlotshwa ongumlingisi ophambili kwifilimu iFour Walls lapho edlala khona indawo kaGrace Molotsi uhlabane ngendondo yokuba umlingisi ovelele kwi-ATX, okuyifestivali yamafilimu azimele eTexas.

U-Enhle kumjabulise kakhulu ukuhlabana ngale ndondo kulandela le ndawo kaGrace ongumhlengikazi neyayiveza ubunzima ayebhekene nabo empilweni. Yize kwakuyindawo enobuhlungu kodwa imlethele intokozo ngokuyidlala kahle kwakhe.

"Izinyembezi, izithukuthuku kuhlanganiswa ngicabanga ukuthi kuzoshaqisa ababukeli kubuye kubachaze abazokubona," kusho u-Enhle. Ube eseqopha nane-video ebonga kakhulu kwabaseTaxas, abamafilimu nabantu bakuleli.

Abaqondisi beFour Walls kubalwa uJuvais Dunn, Kgosana Monchusi noMenzi Mzimela abaphinde babe ngabanye bababhali. U-Enhle ulingisa ngokubambisana nabanye babalingisi abanamava okubalwa kubo uJeff Jackson Morgianho olingisa indawo kaDice kanjalo noKhulu Skenjana odlala indawo kaGrootman noGift Leotlela nabanye abaningi abayingxenye yokuhlanganiswa kwale filimu.

Abantu bakuleli balokhu bembongele njalo u-Enhle okubalwa nabanye bosaziwayo. U-Enhle uhlabana ngale ndondo nje nakwezemfashini ugila izimanga ngelebuli yakhe i-Essie Apparel.