Axhotyiswe ngolwazi amafama aseMbhashe.
Image: Mbhashe Local Municipality
Uninzi looMasipala beMpuma Koloni bathetha bangenzi, kodwa uMasipala waseMbhashe phantsi kwesikhokelo sikaSodolophu uSamkelo Janda, uneenkqubo ezijoliswe eluntwini ezicacileyo.
Kutshanje, lo Masipala uqhube inkqubo yokuxhobisa amafama ngolwazi nezixhobo zokusebenza ubambisene neQombe Maize and Projects kwaWadi 8.
Amafama asekuhlaleni angumqolo wokukhula nokuphuhliswa koqoqosho lwasezilalini nanjengoko evelisa ukutya athengise enze imali.
Kuthwa injongo yeli phulo ibikukukhuthaza ulutsha ukuba lukwazi ukuzimela ngokusebenzisa ezolimo njengesixhobo sokwenza imali.
Axhotyiswe ngolwazi amafama aseMbhashe.
Image: Mbhashe Local Municipality
IQombe Maize and Projects liphulo lamafama asakhasayo elizinze kwilali iQombe elisekwe ngombono wokuqhuba uphuhliso lwasemaphandleni ngeenjongo zokuqinisekisa ukuba ukutya kuhlala kukhona. Enye yeenjongo eziphambili kule ntsebenziswano kukuxhobisa uluntu oludinga imisebenzi noluhlelelekileyo kulo Masipala.
Ukulinywa kombona yenye yeenjongo eziphambili kulo msebenzi nangona kusenziwa nezinye izinto eziquka imveliso yeenyosi, imifuno nezinye.
AmaSebe karhulumente aquka elozolimo nelezemfundo ebeyinxalenye yalo mcimbi ngeliqinisekisa ukuba ngenene abantu banikwa ulwazi nezixhobo ezifanelekileyo ukuze baziphuhlise.
Ukuphuhla koqoqosho lwasekuhlaleni kuxhomekeke kwiinkqubo eziquka ulimo namashishini amancinci asekuhlaleni.